Македонската компанија за анимација и визуелни ефекти ФХ3Х учествуваше во креирањето на визуелните ефекти на најновиот член на „Ди-Си Комикс“ универзумот – „Аквамен“.

Според Кристијан Даниловски, ко-сопственик на ФХ3Х и извршен продуцент, на овој проект работеле вкупно 70 артисти во периодот од мај до октомври оваа година, и се изработиле околу 200 кадри.

Филмот е исто така еден од кандидатите за номинација за Оскар за визуелни ефекти и кој се избори да биде на листата со уште 19 други, од кои академијата за филмски науки и уметности до крајот на декември ќе избере 10. Номинациите ќе бидат соопштени на 22 jануари 2019 година. За визуелните ефекти и дали филмот вистински ќе добие номинација за Оскар, оставам да погледнете и да оцените сами, изјави Даниловски.

„Аквамен“ е американски филм за супер херој на „Ди-Си Комикс“ универзумот, во режија на Џејмс Ван. Носителот на главната улога Џејсон Момоа, кој првпат го видовме во „Лига на правдата“ има исто толку импресивен актерски тим покрај себе: Амбер Херд, Вилијам Дефо, Патрик Вилсон, Долф Ландгрин, Никол Кидман, со кои ќе ни ја раскажат приказната за Артур, наследникот на подводното кралство Атлантис, кој мора да ја прифати својата улога и да го поведе својот народ против својот полубрат Орм, кој се обидува да ги обедини седумте подводни кралства против светот надвор од водата.

Скопската премиера на филмот е една недела пред светската, на 13 декември во киното „Синеплекс“.

Листата на филмови кои се борат за номинација за Оскар за визуелни ефекти:

“Ant-Man and the Wasp”
“Aquaman”
“Avengers: Infinity War”
“Black Panther”
“Bumblebee”
“Christopher Robin”
“Fantastic Beasts: The Crimes of Grindelwald”
“First Man”
“Incredibles 2”
“Isle of Dogs”
“Jurassic World: Fallen Kingdom”
“Mary Poppins Returns”
“Mission: Impossible – Fallout”
“Mortal Engines”
“The Nutcracker and the Four Realms”
“Paddington 2”
“A Quiet Place”
“Ready Player One”
“Solo: A Star Wars Story”
“Welcome to Marwen”



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.