„Алергија на албанскиот јазик се чувствува насекаде во Македонија. Од улица и автобус луѓе кои се вртат и те гледаат ако зборуваш со некој на албански, до одбивање за да те послужат или попреко гледање во обичен кафиќ ако те слушнат дека зборуваш на албански“.

Ова го тврди Љуми Бекири, активист на шарената револуција на неговиот Фејсбук профил. Тој реагира на потегот на ракометарот Столе Стоилов, кој демонстративно ја напушти манифестацијата за доделување на награди за спортист на годината, затоа што била двојазична.

Во статусот на Фејсбук Бекири порачува дека албанскиот јазик е реалност а сите оние кои не сакаат да го слушаат треба да си ги затнат ушите или да се иселат.

„Албанскиот јазик никогаш до сега не се обидел да се наметне како доминантна јазична матрица во Македонија, за разлика од многу други внатрешни и соседни јазици, кои преку своето постоење и го негираат македонскиот јазик сметајќи го за свој дијалект, па од тука ми произлегува прашањето од каде толкав отпор кон албанскиот? Тоа дали вие ќе знаете неколку зборови на јазикот на првиот сосед за да го поздравите кога ќе се сретнете пред врата – кажува за вас. Но факт е и дека голем број на граѓани на Македонија го говорат албанскиот јазик како свој мајчин или како втор јазик. И со таа реалност мора еднаш засекогаш сите да се помирите“ елаборира Бекири на Фејсбук.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.