– До полицијата стигнале пријави за три поединечни инциденти во текот на вчерашниот ден.

Како што соопшти МВР, вчера во СВР Скопје било пријавено дека околу 14.00 на подрачјето на Центар, Г.А.(47) од Скопје бил физички нападнат од А.Д.(54) од Скопје.

Во вториот случај, синоќа околу 19 часот во СВР Скопје било пријавено дека на подрачјето на Ѓорче Петров поради меѓусебно недоразбирање дошло до нарушување на јавниот ред и мир со физичка пресметка помеѓу З.С.(44) и Т.М.(39), двајцата од Скопје.

Третиот случај е регистриран на територија на СВР Тетово. Н.Д.(39) од Тетово синоќа пријавил во полиција дека во близина на такси компанија во Тетово, по претходна расправија, бил физички нападнат од З.Н. и уште едно лице.

Полицијата презема мерки за расчистување на случаите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.