Ноќеска околу 2 часот во СВР Скопје биле пријавени истрели на ул.„Филип Филиповиќ“.

Како што соопшто МВР, на местото на настанот излегле полициски службеници и затекнале паркирано патничко возило „форд“ со скопски регистарски ознаки во кое се наоѓале С.Х.(23), С.К.(23), Ш.Р.(23) и М.Р.(45), сите од Скопје и тие се приведени во полициска станица.

При преглед на возилото и околината биле пронајдени две чаури од гасен пиштол и гасен пиштол.

Увид на местото на настанот извршила увидна екипа од СВР Скопје, а чаурите и гасниот пиштол се подигнати за понатамошна постапка.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.