По пауза поради ситуацијата со коронавирусот, годинава на отворена сцена и пред публика ќе се одржи детскиот фестивал „Поточиња“.

Популарниот фестивал своето 18. издание ќе го има на 3 јули, на Школка во Градскиот парк со почеток од 11:00 часот.

Од организацијата, Пап продукција, информираат дека во услови на пандемија изминатите месеци морало да се ограничи бројот на деца – учесници, кои пак со многу љубов, труд и посветеност земаа учество во новото издание. На публиката ќе ѝ бидат претставени новите единаесет песни, а низ фестивалската приказна ќе ги води популарната маскота „Поки“.

Влезот е бесплатен, а фестивалот ќе биде организиран согласно протоколите за заштита од Ковид-19.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.