Викторија Лоба вчера го промовираше својот прв студиски албум во две изданија македонска „Нов свет“ и англиска „New World“.

Во рамки на настанот Лоба и Марга Сол настапија со песните „Она вистинско“, „Девет работи“ “All the love“ и „Нов свет“ кои се дел од новиот албум. Промоцијата помина во одлична атмосфера, а Марга Сол ги забавуваше гостите до самиот крај.

Албумите „Нов свет“/„New World“ се снимани во M-Sol Records Studio, Just RB Studio и студио Јованови. Музички продуценти се Марга Сол и Роберт Билбилов. Викторија Лоба се појавува како текстописец на албумот, во кој на суптилен начин го раскажува сопствениот живот.

Албумите се достапни преку сите дигитални и стриминг сервиси. На онлајн продавницата на македонската издавачка куќа M-Sol Records (www.m-solrecords.com) албумите ќе можат да се купуваат дигитално и во ЦД формат, со достава низ Македонија.

За дочекот на Новата година, Лоба ќе настапува во ресторанот „Four“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.