Ристо Меловски (48), уште познат и како диџеј Ицко од „Антена 5 Македонија“ почина од ковид-19, а утринава од него на социјалните мрежи се збогуваат неговите пријатели. Тој беше сопруг и татко на две деца.

Последен поздрав испратија и од „Антена 5“ радио.

Диџеј Ицко на клупската сцена во Македонија ѝ е познат веќе повеќе 15 години. Прогресивната музика е основен елемент на неговите миксови во комбинација со електро и вокални елементи кои прават интересна фузија и вистинско задоволство на „хаус“ музика.

Веќе 10 години беше дел од најголемата радио станица во Македонија. Се смета за легенда одговорна во најголем дел од развојот на електронската сцена во Македонија на највисоко ниво, а неговите емисии на радио се добро познати и надвор од Македонија.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.