На YouTube (ЈуТјуб) каналот на бендот „АнтиарТ“ е објавен нов сингл и видео запис.

Песната се вика „Облаци“ и е авторско дело на бендот. За аудио делот се погрижи Нино Спиркоски. Видеото е изработено од режисерот Томи Акимовски (leletomi) и поради тековните забрани наметнати од КОВИД-19, содржи видео материјал снимен изминативе години, како и позајмени видеа.
Бендот е составен од 5 члена: Леана Таќи (вокал), Никола Бочваров (бас гитара), Давид Матевски (гитара), Петар Лукиќ (клавијатури) и Александар Ванчовски – Џигер (тапани).
Минатото лето тие го промовираа својот прв студиски албум, а оваа година публиката имаше можност истиот да го чуе на МТВ Unplugged (акустичен концерт во продукција на Македонската телевизија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.