Славната авторка на многу познати песни, уникатната Алка Вуица после 16 години пауза се враќа на сцената, и тоа како изведувач. Со одличната „Луѓакиња“ („Luđakinja“) Вуица го најавува новиот студиски албум, на кој интересно е дека соработува со Марија Мирковиќ, некогашната членка на бендот Фрајле, која по заминувањето од составот реши максимално да ѝ се посвети на авторската работа.

Токму Марија е дел и од авторскиот тим на темата „Луѓакиња“, односно нејзина е музиката, Алка е текстописец, додека аранжманот е со потписот на Драган Брнас – Фудо. Видеозаписот, пак, го потпишува Жељко Јурешиќ.

Таа е вистинска женска химна. Тоа е песна која ќе остане и долго ќе се слуша. Со Марија како композитор сум соработувала и порано, но ова е нешто сосема поинакво од она што сме го правеле, прилично е кантавторски и лично. Мило ми е што токму оваа тема е одбрана за прв сингл, вели Алка Вуица.

Песната, инаку е објавена на тројниот албум „13 СМС фестивал 2021“, а Алка ќе ја изведе на 12 јуни на водичката рива, што особено ја радува.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.