Светот бил изненаден кога пејачот и актер, Џеред Лето, изјавил дека минал две недели на медитација без средства за комуникација и дека поради тоа не знаел за пандемијата.

Медитација, њу ејџ и слични алтернативни стилови на живот и активности не му се непознати на овој добитник на Оскар, а за тоа најдобро зборува и посебниот аранжман кој тој им го обезбедува на своите фанови.

“Mars Island” е приватен остров во Хрватска на кој можете да минете време со познатиот актер и неговиот бенд, во активностите кои на неговиот сајт се нарекуваат “зајакнување на заедницата” или “холистички масажи”.

На неколку фотографии кои се објавени од минатогодишниот собир, може да се вида посетители кои носат бело, и пејачот кој со својот изглед и манирите потсетува на Исус Христос.

Седењето на под, бунгаловите кои ги изнајмувате во кои е дозволено другите посетители да ви влегуваат во сместувањето бидејќи поентата на ова патување е “зајакнување на заедницата”, медитацијата, задолжителното носење на бела облека и можноста да се истетовирате на островот со посебни тетоважи направени за овој аранжман, ги тераат луѓето да мислат дека станува збор за секта.

А твитер објавата на бендот на Лето, “30 seconds to Mars”, на која пишува “Ова е култ”, со илустративни фотографии, секако не помага во ситуацијата.

&

nbsp;

Иако не можеме со сигурност да тврдиме дека Лето води секта на овој остров, секако дека овие собири се малку бизарни.

А, ако сакате да бидете дел од ова единствено искуство, бидете подготвени да издвоите огромни пари – картите за овој аранжман се движат од 1.500 до неверојатни 6.500 долари, а следното собирање е планирано за август оваа година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.