Сања изгледа свежо и горделиво за улогата која и донесе друга животна димензија. Пред речиси половина месец, раперот Марко Маринковиќ-Слаткар и неговата сопруга, екс-мисица и водителка, Сања Николиќ, станаа родители за првпат.

Во една од приватните скопски болници, на свет дојде нивниот наследник кој доби уникатно име – Моша. Деновиве, како и секое бебе, Моша ги прави вообичаените работи и секако ја впива мајчинската и татковата љубов.

Сања не е некој активен корисник на социјални мрежи, но затоа Слаткар, особено сега како горд татко, редовно објавува по некој интересен детаљ од големата промена во нивниот живот. Најпрвин го покажа синот, и тоа набрзо откако дојде на свет, а потоа не можеше да додржи да не ја покаже и саканата која му роди син, се уште легната во болничкиот кревет. „Љубавино моја… Те сакам, премногу те сакам“ – ставајќи и емотикони покрај изјавата полна со изливи на љубов!



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.