Британскиот принц Хари и неговата сопруга Меган Маркл постигнале договор со агенцијата за фотографии која без одобрение го фотографираше нивниот малолетен син, Арчи, во нивниот дом.

Меган и Хари, во јули покренаа тужба во која обвинија дека неименувани папараци нелегално го фотографирале нивниот син со беспилотни летала и хеликоптери близу приватната резиденција на семејството во Калифорнија, кога бебето имаше 14 месеци.

Судските документи поднесени до Високиот суд на округот Лос Анџелес во четвртокот покажуваат дека фотоагенцијата „Икс-17“ се согласила да престане да дистрибуира слики на кои се гледа Арчи со неговата баба, мајка ѝ на Меган, во градината во семејната резиденција и да ги предаде оригиналните слики и сите копии на семејството.

Покрај тоа, „Икс-17“ му се извини на семејството.

Агенцијата, исто така, се согласи да плати дел од правните трошоци на семејството – изјави нивниот адвокат, Мајкл Камп.

Меган, Хари и Арчи сега живеат во Санта Барбара, близу Лос Анџелес во Калифорнија.

 

Ad
Ликовна изложба на Ана Ивановска во Македонскиот културен центар во Истанбул Ликовна изложба на Ана Ивановска во Македонскиот културен центар во Истанбул
Linker


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.