Српската пејачка Гоца Тржан, која беше добра пријателка со трагично загинатиот Тоше Проески, се уште со болка и длабока тага се сеќава на тие моемнти.

Гоца, во емисијата „Премиера викенд специјал“, раскажува за моментот кога дознала за несреќата во која Тоше го загуби животот. За смртта на Тоше, пејачката дознала од пријателка кој ѝ кажала дека видела видео од местото на несреќата.

Тогаш штотуку родив. Лена имаше два, три месеци. Ми се јави пријателка од Загреб со плачење. Ме праша: „Дали е вистина дека Тоше починал?“… Ѝ реков: „Не тропај глупости, како тоа починал?!“. Таа ми кажа дека е вистина, го видела видеото како го извлекуваат од под камионот во близина на Градишка. За жал, тогаш не можев да одам на погреб затоа што имав мало бебе, тоа беше голем стрес за мене – раскажува Гоца.

Таа вели дека една од првите работи што ги направила по смртта на Тоше е тоа што отишла во македонската амбасада да се потпише во книгата на жалост.

Неколку години подоцна работев во Прилеп и спиевме во неговиот роден град. Тогаш отидов во Музејот и на неговиот гроб. Некако се збогувавме ние двајцата. Имам голема привилегија кога ја пеам „1200 милји“ дека нешто ќе се случи. Затоа мислам дека луѓето кои биле толку сакани и талентирани никогаш не умираат – вели Гоца, пренесува „Србија данас“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.