Откако заплови во емотивна врска со девет години помладиот Богдан Срејовиќ(38) од Белград, се чини дека Светлана Цеца Ражнатовиќ(47) е посреќна од било кога.

Имено таа не само што не се одвојува од партнерот, туку веќе и го запознала со своите деца, Вељко и Анастасија, а како што се дознава, сите заедно ја дочекале Новата година во домот на пејачката.

Цеца е заљубена до уши и не крие. Прв пат после толку години сака и сакана е, а љубовта и се случи ненадејно – раскажал за Ало извор близок на фолк дивата и додал дека Цеца веднаш знаела дека Богдан е оној правиот.

Разликата во годините не и преставува проблем, бидејќи Богдан е зрел маж, а физички се одличен пар, со оглед на тоа дека Цеца цел живот се негува, па изгледа многу помладо и нема ниту една брчка на лицето – рекол изворот.

Според него тоа што Богдан има ќерка од претходниот брак го прави поблизок со пејачката, бидејќи двајцата се родители, па знаат што е грижа за деца. Со оглед на тоа дека Богдан е татко, небитно му е дали ќе има уште деца или не, што Цеца ја релаксира и не и создава притисок.

Единствена работа од која се плашела Цеца е како ќе го прифатат нејзините деца, Анастасија и Вељко. Меѓутоа тие биле воодушевени од него, па сите заедно ја дочекале Новата година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.