Претседателот на Украина, Володимир Зеленски, по средба со генералниот секретар на НАТО, Јенс Столтенберг, во Брисел, порача дека Курсот на Украина за влез во НАТО останува непроменет, а поддршката за тоа во заедницата расте.

Нашиот евроатлантски курс останува непроменет, а поддршката за тоа во украинското општество расте – изјави Зеленски на заедничка прес-конференција со Столтенберг.

Шефот на украинската дипломатија, Дмитро Кулеба, претходно изјави дека никој не треба да одлучува за перспективите за членство на земјата во ЕУ и НАТО, освен украинскиот народ и самите асоцијации.

Украинскиот Парламент во февруари 2019 година усвои амандмани на Уставот, со што беше обезбеден курсот на земјата кон ЕУ и НАТО.

Украина стана шестата земја што доби статус на партнер со унапредени можности за членство во НАТО.

Поранешниот генерален секретар на НАТО, Андерс Фог Расмусен, претходно изјави дека за да може Украина да се приклучи на Алијансата, ќе треба да исполни голем број критериуми, за чија имплементација ќе биде потребно многу време.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.