Холандската полиција во пристаништето во Ротердам запленила над два тони кокаин, кои биле сокриени во контејнер со банани од Еквадор.

Запленето е 2.020 килограми кокаин, чија вредност се проценува над 151 милиони евра, соопштиле властите. Дрогата е пронајдена во пратките банани од Еквадор, кои биле наменети за унгарска компанија, соопштило обвинителството.

Во соопштението е напоменето дека таа компанија веројатно нема врска со шверцот на дрога.

Службениците на царинската управа на пристаништето во Ротердам минатата година заплениле вкупно 38 тони кокаин.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.