Бројот на починати од коронавирусот во Шведска надмина 1.000.

Според Андрес Тегнел од Агенцијата за јавно здравје, вчера се пријавени 114 смртни случаи, со што бројот на починати достигна 1.033.

Во Шведска се регистрирани 11.445 луѓе се заразени со коронавирусот.

Официјален Стокхолм презема релативно либерални мерки за борба против пандемијата, и покрај големиот скок на бројот на жртви.

Властите на оваа скандинавска земја ги советуваа граѓаните да практикуваат социјално дистанцирање, но не затворија училишта, барови и ресторани. Исто така, забранети се само собирања на повеќе од 50 лица.

Вкупно 22 здравствени експерти ги повикаа политичарите да ја преземат контролата над ситуацијата, наведувајќи дека шведската Агенција за јавно здравје не успеала да се избори со пандемијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.