По повеќе од 100.000 случаи регистрирани на Божик, денеска бројот на новозаразени луѓе со Ковид-19 достигна нов рекорд од речиси 180. 000 нови случаи. Повеќе од 3.400 пациенти се хоспитализирани на интензивна нега, што е зголемување за 417 пациенти за еден ден, јави дописникот на МИА.

Според податоците објавени од Јавното здравство на Франција, за дваесет и четири часа биле идентификувани точно 179.807 позитивни тестови. Во просек, во изминатите седум дена, 87.214 луѓе биле позитивни на тестот.

Приближно 700.000 луѓе денеска примија вакцина против Ковид-19 од кои 46.589 прва доза, а 613.757 дополнителна доза.

Францускиот премиер Жан Кастекс вчера најави нови рестриктивни мерки, меѓу кои ограничен број на луѓе во затворен и во отворен простор, како и работа од далечина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.