Поранешниот претседател на Европскиот совет, Доналд Туск, вели дека Брисел чувствува „емпатија“ кон независна Шкотска која сака да влезе во Европската унија. Никол Старџен синоќа изјави дека независна Шкотска ќе бара полноправно членство во ЕУ.

На прашањето дали на тоа ќе се гледа поволно, Туск вели: „емотивно не се сомневам дека сите ќе бидат воодушевени“.

Ова се случува додека другите европски лидери изразија тага поради тоа што Велика Британија ја напушти ЕУ.

Францускиот претседател Емануел Макрон изјави дека е „длабоко тажен“.

Но, Туск предупреди дека секоја идна понуда за влез од страна на независна Шкотска нема да биде прифатена автоматски.

Коментарите на Туск следуваат откако неговиот претходник Херман Ван Ромпуј минатата година рече дека верува оти брегзит ги смени ставовите на ЕУ кон независноста на Шкотска.

Владата на Велика Британија не ги поддржува шкотските владини повици за уште еден референдум за независност или повторно обединување на ЕУ во која било форма.

Велика Британија официјално ја напушти Европската унија во петокот по 47 години членство и повеќе од три години откако се изјасни за тоа на референдум.

Шкотска гласаше Велика Британија да остане во ЕУ со 62% во 2016 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.