Три силни земјотреси во рок од еден час се случија во морето во близина на островот Крит. Првиот земјотрес бил со јачина од 6,6 степени и ја погодил морската област во близина на островот Крит, а по 45 минути се случил уште еден, малку послаб, со јачина од 5,2 степена. Малку подоцна бил регистриран и трет потрес, овој пат најдалеку од брегот и најслаб, околу 4,6 степени по Рихтер.

Засега не се пријавени никакви штети или жртви. Исто така, нема знаци за предупредување за цунами.

Според грчките медиуми, земјотресот бил почувствуван низ целиот Крит. ЕМСЦ известува дека потресот бил почувствуван и во делови од Македонија, Албанија, па дури и во Израел.

Грција се наоѓа во многу активна сеизмолошка област и доживува над сто земјотреси на годишно ниво.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.