Американскиот претседател Доналд Трамп го назначи американскиот специјален претставник за Северна Кореја Стивен Биган (56), ветеран за надворешна политика, за следен заменик-државен секретар.

Неименуван американски службеник изјави дека Биган ќе ги задржи своите одговорности во дипломатијата со Северна Кореја. Биган ќе го замени Џон Саливен како службеник бр. 2 на Стејт департментoт.

Саливен е номиниран за следниот амбасадор во Русија, пренесува „Ројтерс“.

Номинацијата на Биган има широка поддршка меѓу високите дипломати, а тој исто така се смета за погоден кандидат за државен секретар во случај Мајк Помпео да одлучи да се пензионира и да се кандидира за место во Сенатот следната година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.