Новата германска федерална влада сака да дејствува флексибилно во борбата против корона пандемијата. Според федералниот канцеларот Олаф Шолц, нема да има „црвени линии“ ниту пак рестрикции за невакцинираните граѓани. Канцеларот Шолц не сака да отфрли какви било мерки во борбата против коронавирусот.

Не смее да има „црвени линии“, оваа пандемија навистина ни го покажа тоа. Секогаш мора да бидеме подготвени да го преиспитаме курсот доколку околностите тоа го бараат. Тогаш мора да дејствуваме брзо и одлучно, изјави Шолц за весникот „Билд ам Зонтаг“.

Политичарот од СПД не го отфрла категорично затворањето за време на божиќните празници во Германија, а причина за загриженост е новата варијанта на вирусот омикрон.

Одговарајќи на прашањето, тој рече: „Федералната влада и провинциите штотуку презедоа многу ригидни мерки. Секојдневно ќе проверуваме како се спроведуваат и дали се доволни“.

Сепак, сè уште постои дел од општеството што ја отфрла вакцината – поради различни причини. Според Институтот Роберт Кох (РКИ), 69,5 отсто од вкупното население се целосно вакцинирани против вирусот. Дополнителна вакцина примиле 18,7 милиони луѓе (22,5 проценти).

Но, канцеларот Шолц не верува дека Германија е поделена на вакцинирани и невакцинирани луѓе.

Огромно мнозинство граѓани се вакцинирани. Многумина сакаат да го направат тоа наскоро бидејќи ја надминаа својата загриженост од евентуалните неасакани дејствија, рече тој.

Шолц, кој и самиот е невакциниран, сака обединета Германија и рече дека тој е „канцелар и на невакцинираните“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.