Во Унгарија се зголемува просечната концентрација на корона вирусот во системите за третман на отпадни води.

Според Институтот за јавно здравје, просечната концентрација на корона вирус откриена во примероците на отпадни води од Будимпешта, Ѓер, Мишколц и Секешфехервар е повторно во нагорен тренд, додека концентрацијата на вирусот опаѓа во Бекешчаба и Кечкемет.

Тестовите покажуваат умерено присуство на вирусот во канализационите системи и во некои други градови.

Сесилија Милер, главниот унгарски епидемиолог, на конференцијата на оперативниот штаб за борба против пандемијата изјави дека загриженоста е предизвикана поради концентрациите на вирусот во канализационите системи во Унгарија што од неодамна се стабилни или повторно се зголемуваат.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.