Казахстански авион со 98 патници се урна рано утринава непосредно по полетувањето, а официјални лица наведуваат дека досега се загинати најмалку 15 лица. Најмалку 66 лица се повредени, од кои 50 веќе се пренесени во болница.

Авионот на компанијата „Бек ер“ ја загубил височината по полетувањето од меѓународниот аеродром во Алмати и ја пробил бетонската ограда, пред да се удри во двокатна зграда.

Бизнисменот Аслан Назаралиев, кој ја преживеал несреќата за весникот „Времја“ изјавил дека авионот почнал да се тресе две минути по полетувањето.

Во еден момент почнавме да паѓаме, не вертикално, туку под агол. Се чинеше како да е изгубена контролата врз авионот, рече тој.

Британските медиуми наведуваат дека во непосредна близина на аеродромот имало густа магла. Засега не се знае причината за падот на авиониот, но суспендирани се сите летови на авионот „Фокер 100“. Компанијата „Бек ер“ се уште не ја коментираше несреќата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.