Поради дојава дека зградата на Ермитаж во Санкт Петербург е минирана, музејот времено е затворен за посетителите, објавија руските медиуми.

Во соопштението на музејот, кое е објавено на руската социјална мрежа „V контакти“ се наведува дека неколку вработени добиле електронска пошта со порака дека зградата е минирана.

Обезбедувањето на музејот и полицијата моментно ги претресуваат изложбените сали и службените простории, а луѓето се евакуирани од централната музејска зграда.

Штом заврши проверката, музејот ќе биде повторно отворен.

И Исакиевската црква, исто така, била времено затворена поради лажна дојава за поставена бомба.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.