По три дена интензивни преговори во на самитот на ЕУ сè уште нема договор меѓу европските лидери за финансискиот пакет за справување со последиците од коронавирусот.

Претставниците на 27-те земји членки се обидуваат да се согласат за финансиската архитектура и за условеноста на следниот долгорочен буџет на ЕУ и дополнителен фонд за опоравување од 750 милијарди евра. Иако разговорите требаше да завршат во недела, лидерите во раните утрински часови го прекинаа маратонскиот самит и закажаа продолжување на разговорите во 16 часот попладне, објави „Хангари тудеј“.

Во петокот, лидерите на ЕУ се состанаа физички во Брисел за да разговараат за планот за опоравување од кризата со коронавирус, како и да договорат нов долгорочен буџет на ЕУ.

Двете најспорни прашања во центарот на разговорите се финансиската архитектура и условеноста на новите фондови на ЕУ. Фондот за опоравување првично беше поделен на 500 милијарди евра за да бидат доделени како грантови и 250 милијарди евра заеми. Сепак, холандскиот премиер Марк Руте инсистираше на капитал од 350 милијарди евра за грантови. Неговата позиција е поддржана од лидерите на Холандија, Австрија, Финска, Шведска и Данска. Како резултат на неговото инсистирање, износот на грантовите е намален на 450 милијарди евра. На новиот предлог се спротивставуваат Италијанците – една од најтешко погодените од кризата со коронавирусот.

Другото спорно прашање е да се условат средства според барањата за владеење на правото. Предлогот, поддржан од Германија и Франција, беше оценет како неприфатлив од Унгарија и Полска. За време на разговорите, унгарскиот премиер Виктор Орбан решително го одржуваше принципот „само Унгарците можат да одлучуваат за парите на Унгарците“, што значи дека пристапот до фондовите на ЕУ не треба да биде условен според критериумите утврдени од Брисел. Тој изјави дека ќе стави вето на пакетот за опоравување од кризата доколку таквиот услов се додаде на предлогот. Покрај тоа, тој побара гаранции од ЕУ да ја прекине постапката на член 7, започнати претходно против земјата во врска со состојбата на владеењето на правото што е можно побрзо. Досега не е постигнат договор.

Запрашан за причините за неговата позиција, Орбан рече: „Она што се случува е малку чудно затоа што има стопроцентен договор за владеење на правото. Ако некој не е подготвен да го прифати владеењето на правото, (тие) треба да ја напуштат Европската унија веднаш. Не треба да се казнува со пари или нешто друго освен да се каже „збогум сине, збогум момци“ затоа што оваа заедница се заснова на владеење на правото. И ние го сакаме тој пристап, во ред е“.

Иако Самитот на ЕУ првично требаше да се согласи за пакетот за опоравување од кризата и буџетот до сабота, разговорите сè уште не се завршени. Последната рунда разговори продолжи до понеделник наутро, а лидерите на ЕУ треба да ги продолжат преговорите во 16 часот. Според Виктор Орбан, договор не е постигнат поради Холандија. Орбан рече дека Холандија се залага за воведување на механизам што ќе му овозможи значително влијание врз распределбата на фондовите на ЕУ, особено во случајот на јужните земји-членки. Унгарија во овој поглед го поддржува ставот на Италија дека земјите-членки на кои им е потребна итна помош треба да бидат првите што ќе добијат пари.

Неколку спорни прашања остануваат да се дискутираат оваа недела. Тие вклучуваат вклучување на механизмот за условеност на владеењето на правото, големината на фондот за опоравување и процентот на неповратни грантови наспроти заемите содржани во пакетот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.