Американската Управа за храна и лекови (ФДА) го одобри експерименталниот третман за лекување со антитела во итни случаи кај пациенти постари од 65 години, кои освен корона вирус имаат и друга болест.

Дополнителен услов за примена на оваа терапија е пациентите да не се хоспитализирани.

Од ФДА соопштија дека одлуката е поткрепена со клинички испитувања што покажале дека лекот „Бамланаивимаб“ ја намалува веројатноста за хоспитализација кај пациенти со Ковид-19.

Овој експериментален лек засега може да се користи во лесни до умерени случаи на корона вирус, како кај деца постари од 12 години, така и кај возрасни, но „Бамланаивимаб“ не може да се користи од пациенти кои се хоспитализирани и имаат кислородна терапија – соопштија од ФДА.

Оттаму нагласуваат дека лекот, подготвен од компанијата Елија Лили, не им помагал на пациенти со потешка форма на корона вирус, туку напротив, се покажало дека им ја влошува состојбата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.