Руски дипломат е пронајден мртов во близина на руската амбасада во Берлин. Според првичните информации, мажот паднал од прозорец.

Според Шпигл, починатиот маж бил 35-годишен втор секретар, кој работел во амбасадата. Списанието вели дека мажот паднал од горниот кат на зградата. Неговото тело, наводно, било откриено на 19 октомври.

Руската амбасада во Германија објави кратко соопштение како одговор на информациите, велејќи дека „од етички причини нема да го коментира овој трагичен настан“.

Извештаите велат дека амбасадата не се согласила да се изврши обдукција во Германија, и затоа телото било пренесено во Русија. Германските власти не беа во можност да го истражат инцидентот поради дипломатскиот статус на починатиот, пишува Шпигл.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.