Русија се подготвува за случај на брзо ширење на коронавирусот, изјави висок руски службеник, откако некои региони ги затворија училиштата и ги откажаа јавните настани поради ширење на грипот.
Русија има 4.300 километри граница со Кина и досега се откриени два случаи на коронавирус во Сибир, кај кинески државјанин.
Заменик министерот за здравство Сергеј Крајевој рече дека е тешко да се предвиди како ќе се одвива ситуацијата во Русија.

Се подготвуваме за можно ширење на инфекцијата од големи размери – рече Крајевој.

Од епидемијата на коронавирус во Кина починаа 425 лица, а над 20.000 се заразени.
Случаи на коронавирус се регистрирани во повеќе од 25 земји, а покрај Кина, најмногу има во Јапонија (20), Тајланд (19) и Сингапур (18).



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.