Иранскиот претседател Хасан Рохани изјави дека поради американските санкции, на неговата земја не и е дозволено да набави лекови и здравствена опрема од странство, вклучувајќи вакцини против корона вирусот кои се неопходни за спречување на најлошата пандемија на Блискиот Исток.

Нашите луѓе треба да знаат дека за каква било акција која планираме да ја спроведеме за да увеземе лекови, вакцини и опрема, треба сто пати да го проколнеме Трамп – истакна Рохани.

Иранскиот претседател додаде дека дури станало и исклучително тешко да се извршат едноставни трансакции за набавка на лекови од други земји, додавајќи дека ќе бидат потребни повеќе недели за пренос на средства.

Администрацијата на американскиот претседател Доналд Трамп воведе санкции за банкарскиот систем на Иран и нафтената и гасна индустрија на земјата, откако САД еднострано се повлекоа од нуклеарниот договор со Иран во 2018 година.

Иако САД тврадт дека лековите и хуманитарните производи се изземени од санкциите, сепак, многу банки и компании во светот се колебаат да соработуваат со Иран, стравувајќи од казнени мерки на Вашингтон.

Истворемено Иран е блокиран и во меѓународниот банкарски систем, што му создава проблем да врши пренос на плаќања.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.