Во изминатите два месеца се пријавени повеќе од 30 случаи на насилство и закани за насилство врз авганистански новинари, а во речиси 90 отсто од случаите, сторители се талибанците.

Од случаите на насилство пријавени од Авганистанското здружение на новинари, повеќе од 40 отсто биле тепање, а останатите 40 отсто се закани со насилство. Други случаи вклучуваат еднодневни апсења на новинари.

Еден новинар бил убиен.

Повеќето од актите на насилство им се припишуваат на талибанците, кои насилно ја презедоа власта во Авганистан во средината на август.

Извештајот е објавен во време кога талибанците се обидуваат да воспостават дипломатски односи со меѓународната заедница, но голем број земји не сакаат да го признаат легитимитетот на нивното владеење.

Талибанците се обидуваат да се позиционираат како одговорни владетели и да ветат безбедност за сите.

Авганистан долго време е опасно место за новинарите. Според податоците од почетокот на септември, од 2001 година во земјата биле убиени 53 новинари, од кои 33 починале по 2018 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.