Заменикот на полскиот премиер и лидер на владејачката конзервативна партија Право и правда (ПиС) Јарослав Качињски, кој се смета за вистинскиот полски лидер од сенка, ја обвини новата германска влада дека Европската Унија сака да ја претвори во „Четврти рајх“.

Други лидери на ПиС неодамна ја употребија истата фаза за да ги опишат намерите на берлинската коалициска влада од левиот центар кон ЕУ.

Во договорот кој трите партии го склучија за формирање на германската владејачка коалиција навистина е наведено дека конечната цел е сојузна европска држава.

Тој аспект од договорот го осуди полската влада на ПиС, а Качињски дури истакна дека таквата состојба на Полска би ѝ го одзело правото на самоопределување.

Полскиот премиер Матеуш Моравјецки ја искористи неодамна посетата на германскиот канцелар Олаф Шолц на Варшава за да ги критикува аспирациите на коалициската влада во врска со ЕУ, исто така користејќи изрази поврзани со нацистичка Германија.

Полската влада е во судир со Европската комисија поради реструктуирањето на правосудството во земја, за што ЕУ смета дека претставува политизација на судството.

Европската комисија веќе почна неколку постапки против Варшава поради правосудната реформа, а поднесе и тужби во Европскиот суд на правдата, што предизвика длабок раздор меѓу Брисел и Варшава.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.