Клаус Кинкел, поранешниот министер за надворешни работи на Германија, почина на 82 години, потврди неговата партија Слободни демократи, на чие чело беше од 1993 до 1995 година.

Како шеф на разузнавачката служба, министер и вицеканцелар, Кинкел оствари долга и богата политичка кариера. Тој ја вршеше функцијата министер за надворешни работи од 1992 до 1998 година, што се совпадна со крвавите војни во поранешна Југославија.

Кинкел беше еден од поборниците за основањето на Хашкиот суд и своевремено призна дека и западните земји имаат одговорност за масакрот во Сребреница во 1995 година.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.