До крајот на јуни во светот, заради ситуацијата која владее во светот, се откажани повеќе од два милиона летови, што ќе предизвика загуби од околу 252 милијарди долари, се наведува на сајтот на Меѓународната асоцијација за воздушен сообраќај (ИАТА).

Откажувањето на летовите е една од мерките на која беа присилени агенциите за воздушен сообраќај заради заштитата на своите вработени и патниците. ИАТА, на својот сајт соопшти кои аеродроми во светот се затворени и кои летови се откажани, но дава и насоки за патниците како да се однесуваат доколку веќе мораат да патуваат.

Асоцијацијата наведува дека ги следи сите случувања важни за развојот на болеста, заедно со Светската здравствена организација, и дека во согласност со тоа ќе ги издава следните соопштенија.

Останете силни. Ќе ја надминеме оваа криза и ќе продолжиме да го поврзуваме светот – изјави главниот извшрен директор на ИАТА Александар де Јуниак.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.