Адвокатот Јури Зенкович, кој е уапсен под сомнение дека подготвувал атентат врз претседателот на Белорусија, Александар Лукашенко, како и државен удар.

Зенкович преземал конкретни обиди за регрутирање, поткупување припадници на вооружените сили кои за парична награда биле подготвени да учествуваат во насилно соборување на Владата. Тој во моментов е во истражен затвор и, како што реков, е обвинет. Обвинетиот сега активно сведочи за сите околности на незаконското постапување што го сторил – изјави шефот на истражниот оддел на КГБ на Белорусија, Константин Бичек, за телевизијата „Белорусија 1“.

Истовремено, Бичек соопшти дека е поднесено обвинение против уште четворица притворени за обид за подготовка на атентат врз шефот на државата и за изведување државен удар.

Тоа е заговор насочен кон преземање на власта на неуставен начин. Сите обвинети признаа – изјави Бичек.

Лукашенко пред пет дена сооопшти дека опозиционерот, Григориј Костушев, политикологот Александар Федута и адвокатот Јуриј Зенкович планирале да ги убијат него и неговите синови. Тој ги обвини американските разузнавачки служби и американското државно раководство за организирање на обидот за атентат.

Според директорот на КГБ за Белорусија, Иван Тертел, пучот бил планирано да се изведе во јуни или јули годинава.

Портпаролката на Белата куќа, Џен Псаки, пак, синоќа демнатираше дека САД биле вмешани во наводниот заговор за убиство на Александар Лукашенко.

Можам да потврдам дека всушност сето ова нема основа – изјави Псаки за наводите од обвиненијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.