Британскиот министер за здравство Саџид Џавид денеска потврди дека британската влада ќе ги укине на 19 јули повеќето преостанати ограничувања наметнати за да спречи ширењето на Ковид-19.

– Иако решивме да не воведеме четврти чекор, не гледаме причина да ги продолжиме ограничувањата по 19 јули, рече Џавид пред Парламентот, додавајќи дека тој го поминал првиот ден во својата нова улога проучувајќи податоци за случаи на коронавирусот, смртни случаи и хоспитализации.

– Нашата цел е датумот 19 јули. Премиерот го нарече датум на крај. За мене, 19 јули не е само крај …туку е и почеток на ново возбудливо патување за нашата земја, нагласи британскиот министер.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.