Премиерот на Израел, Бенјамин Нетанјаху, изјави дека израелското бомбардирање на Газа кое трае девет дена „го вратило Хамас многу години назад“.

Нетанјаху изјави дека на Хамас му биле нанесени „неочекувани удари“ и оти воените операции „ќе траат колку што е потребно за да се врати мирот“ на сите израелски граѓани.

Израел накратко отвори граничен премин во Газа за да дозволи минување на конвој со помош. Сепак, преминот брзо потоа беше затворен откако беше нападнат со палестински минофрлачи и ракети.

Во Газа досега се убиени најмалку 215 лица, вклучувајќи скоро 100 жени и деца, соопшти Министерството за здравство.

Во Израел, пак, се загинати 12 лица, вклучувајќи и две деца, соопштија израелските здравствени власти.

Израел соопшти дека меѓу убиените Палестинци има најмалку 150 борци.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.