Американскиот регулаторен орган за одобрување лекови, Агенцијата за храна и лекови (ФДА), соопштија дека вакцината на „Модерна“ е безбедна за употреба и покажува ефикасност од 94 проценти: Ваквата одлука нарегулаторите го отвора патот за одобрување за употребата на вакцината за итни случаи во САД

Анализата од страна на Агенцијата за храна и лекови (ФДА) значи дека вакцината на „Модерна“ може да стане втора вакцина за корона вирус што е дозволена во САД. Ова следи еден ден откако Американците низ целата земја почнаа да се вакцинираат со вакцината на „Фајзер-БиоНТех“. За разлика од таа вакцина, вакцината на „Модерна“ не бара ултра складирање за време на испораката.

ФДА ги објави податоците за „Модерна“ пред состанокот на панелот за вакцини на кој ќе се дискутира за лекот. Веста доаѓа во моментот кога, според Универзитетот Џон Хопкинс, бројот на жртви од корона вирус во САД надмина 300.000.

Во документот од 54 страници се вели дека „нема специфични безбедносни проблеми“ и дека сериозни несакани реакции се ретки. Доколку биде одобрен од тимот експерти подоцна оваа недела и од шефот за вакцини на ФДА, пратките може да почнат во рок од 24 часа.

Најчестите несакани ефекти вклучуваат треска, главоболки и болки во мускулите и зглобовите. Минатата недела ФДА објави слични податоци од „Фајзер“ пред гласањето за издавање на одобрување.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.