Полиција во Москава уапси неколку, претежно помлади учесници на нелегални протести во центарот на руската престолнина.

По одлуката на руското правосудство за промена на условната казна за лидерот на опозицијата Алексеј Навални на затворска казна, неговите симпатизери беа поканети да протестираат на плоштадот Манежнаја преку социјалните мрежи, пренесува ТАСС.

Демонстрантите се собраа на различни локации во Москва, барајќи ослободување на Навални, пишува „Москва тајмс“.

Тие скандираа „Русија без Путин“ и „Путин е крадец“.

Забележано е зголемено полициско присуство и безбедносни мерки и во други делови на руската престолнина со цел да се спречи ширењето на демонстрациите.

Алексеј Навални осуден на три и пол години затвор



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.