НАТО мора да се фокусира на обезбедување на сопствената територија, а не само за странските мисии, изјави германската канцеларка Ангела Меркел за време на посетата на тенковската бригада на Бундесверот во северна Германија.

Тоа беше прва посета на канцеларката за седум години на најголемата германска база во Минстер, каде што се сместени повеќе од 5.000 војници.

Ангела Меркел истакна дека обезбедувањето на сопствената територија повторно стана „важна задача”.

Таа, исто така, му вети на Бундесверот средства за задачите на НАТО, јавија германските медиуми.

Меркел се осврна и на политичкото значење на Силите со многу висока подготвеност кои НАТО ги оформи во 2015 година како директен одговор на судирот во источна Украина и потенцијалната руска агресија на источните граници на Алијансата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.