Осомничениот за пукањето во џамија во Норвешка во саботата и за убиството на неговата полусестра не ги признал злосторствата и не сакал да разговара со истражителите, изјави денес неговиот адвокат.

Тој го користи правото да не биде сослушан и не ја признава вината – рече неговиот адвокат Уни Фрис за „Ројтерс“.

Судот треба да донесе одлука за барањето на полицијата да го задржи 21-годишниот осомничен во следните неколку недели.

Полицијата вчера соопшти дека пукањето го испитува како обид за извршување терористички акт.

Најмалку едно лице е повредено во пукање во џамија во Норвешка.

Осомничениот напаѓач во исламскиот центар Ал Нур кај Осло е опишан како „млад белец“.

Напаѓачот, облечен во заштитен елек, бил совладан од верниците пред да пристигне полицијата



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.