Судија во Унгарија денеска му одреди притвор на капетанот на крузерот „Викинг“ кој учествуваше во судирот со туристичкиот брод на Дунав во центарот на Будимпешта, при што загинаа најмалку седум јужнокорејски државјани.

Судијата на 64-годишниот капетан, државјанин на Украина, му одреди притвор од 30 дена, но соопшти дека капетанот може да биде пуштен со кауција од 50 илјади долари, под услов да носи апарат за следење и да остане во Будимпешта. Сепак, тужителите поднеле жалба на таа одлука и капетанот останува зад решетки додека судот не донесе одлука за жалбата.

Крузерот „Викинг“ во средата вечер во Будимпешта се судри со помал туристички брод на кој имало 35 луѓе, воглавно јужнокорејски туристи.

Спасени се седум луѓе, а 21 лице се водат како исчезнати.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.