Германската канцеларка Ангела Меркел изјави денеска дека го разбира интересот на новинарите за нејзината здравствена состојба бидејќи во последните две недели двапати во јавноста имаше напад на треперење и нагласи дека се чувствува добро.

– Добро сум, рече Меркел (65) на крајот на дводневниот самит на Г-20 во јапонскиот град Осака.

Таа додаде дека е уверена дека таквите реакции „како што доаѓаат, така и поминуваат“.

Меркел завчера за време на церемонија во Берлин трепереше и изгледаше како да не и е добро. Слична сцена се случи и пред 12 дена за време на пречекот на украинскиот претседател Володимир Зеленски.

Вознемирувачки се тресела со целото тело: Сите се прашуваат што ѝ е на Меркел



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.