-Машко лице во Доминиканската Република уби шест и рани уште осум други, во вчерашното дивеење во градот Игуеј, пред да биде застрелан од полицијата, јавија локалните медиуми, пренесе ДПА.

Мажот (39) во овој град Игуеј на истокот на карипската земја прво ја застрелал својата сопруга, предизвикувајќи и сериозни повреди, пред да почне неселективно да пука кон луѓето околу него, јави весникот „Диарио Либро“, повикувајќи се на полицијата. Пред да биде убиен во размена на оган со полицијата, напачачот успеал да застрела шест лица и да повреди други осум лица, пренесе ДПА. Иако стапката на убиства во оваа карипска земја значително е намалена во последните години, ваквите насилни акти на злосторство остануваат вообичаена пракса во Доминиканската Република.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.