Маж вчера во градот Вилц во Луксембург со автомобил се забил во група пешаци и го убил својот двегодишен син, објави агенцијата ДПА.

Уште четири лица се повредени во инцидентот, вклучувајќи и мало дете, кое е полесно повредено, рече јавниот обвинител.

Иследниците се сомневаат на семејна кавга, бидејќи меѓу повредените е и поранешната партнерка на сторителот. Повредените лица се пренесени во болница.

Според сведоците, 47-годишниот луксембуржанин намерно се забил со автомобилот во групата пешаци на тротоарот.

Во групата биле две мајки со колички и уште еден пешак, соопшти денеска портпаролот на обвинителството.

Осомничениот е уапсен, меѓу другото и поради сомнеж за убиство.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.