Маорите, кои се староседелно население во Нов Зеланд, бараат името на државата да биде проеменето во маорски традиционален стил.

Тие преку новозеландската партија на староседелци, покренаа петиција за Нов Зеланд да биде преименуван во Аотеароа те Рео Маори, барајќи сите оригинални обележја на Маорите да бидат вратени во следните пет години.

Одамна помина времето за Те Рео Маори да се врати на своето место и да биде обновен првиот официјален јазик на оваа земја. Ние сме полинезиска земја, ние сме Аотеароа и тоа е името што ќе ја обедини нашата земја. Нов Зеланд е холандско име, а не маорско – велат Равири Ваитити и Деби Нгарева-Пакер, лидерите на партијата Маори, во соопштението со кое се отвора петицијата.

Петицијата исто така ја повикува Владата во следните пет години „да ги идентификува и официјално да ги врати оригиналните имиња на Те Рео Маори за сите градови и градови низ земјата“ и да го заврши процесот до 2026 година.

Маорите потсетуваат дека бројни влади, една по друга, „наметнале колонијална програма во образовниот систем“, што довело до распространето губење на маорскиот јазик и посочуваат дека само 20 проценти од граѓаните течно зборуваат маорски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.