Големиот кинески град Шенжен забрани јадење кучиња и мачки во рамките на сузбивањето на трговијата со диви животни поради пандемијата на коронавирусот.

Кучињата и мачките како домашни миленици воспоставија многу поблизок однос со луѓето од другите животни, а забраната за јадење на кучиња и мачки, а и на други домашни миленици е воспоставена практика во развиените земји, во Хонг Конг и на Тајван“, стои во уредбата на градските власти објавена вчера.

Кинеското врховно законодавно тело неодамна забрани трговија и конзумирање диви животни. Покраинските и градските власти ширум земјата настојуваат да ја спроведат одлуката. Шенжен досега е најконкретен во врска со проширувањето на таа забрана и на кучињата и мачките.

Некои научници се сомневаат дека коронавирусот се пренесол од животни на луѓе. Меѓу првите заразени луѓе беа на пазарот за животни во Вухан, најпогодениот град во Кина со вирусот.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.