Кинеската Централна банка ги прогласи сите трансакции со криптовалути за нелегални и тие ќе бидат забранети.

Со ваквата одлука, Кина испраќа досега најсилен сигнал за својата решеност да ја урне оваа индустрија.

Сите криптовалути, вклучително и биткоин и етер – двата најголеми – не се легална валута и не можат да се дистрибуираат на пазарот. Сите крипто-трансакции, вклучително и услугите што ги обезбедуваат преку офшор размена на локалните жители, се нелегални финансиски активности – соопшти Банката на својата веб -страница.

Оваа најнова директива ја урна вредноста на биткоинот за 4,4 отсто на 41.889 долари заклучно со денеска попладне. На тој начин, дводневниот „победнички“ циклус на биткоин беше прекинат. Ова се случува во позадина на се позагрижените светски пазари поради должничката криза поврзана со претприемачот „Чајна Евергранде Груп“ (China Evergrande Group).

Кина го продолжи притисокот врз тргувањето со криптовалути во вториот квартал, во услови на пилот тестирање на дигиталниот јуан.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.