Кина испрати свој лекарски тим во Северна Кореја бидејќи севернокорејскиот лидер Ким Џонг-ун е во тешка здраствена состојба, објавија дел од западните медиуми.

Додека јапонските медиуми објавија дека Ким е во „вегетативна состојба“ откако претходно му беше извршена операција на срцето.

Јапонскиот весник „Јомиури шимбум“ повикувајќи се на неимнеувани извори објави дека Северна Кореја подготвува план за непредвидени случаи, односно за пренесување на власта на помладата сестра на Ким, Ким Јо Џонг.

Претходно, јужнокорејските медиуми објавија дека на севернокорејскиот лидер на 12 април му била извршена операција на срце. Според неофицијални информации тој по операцијата е сместен во вила во Хујангсан и е под лекарска контрола.

Северна Кореја строго ги контролира информациите, посебно за Ким, кој во земјата има статус на божество.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.