Ирските „елфови“ решиле градскиот мост да го оддржуваат поставен со обесени палта за секој на кој му треба во овие зимски денове да може слободно да си земе.

Ако ти треба, те молам земи. Ако сакате да помогнете, ве молиме обесете го вашето донирано палто, пишува на знаците покрај мостот Ха’пени во Даблин.

Група локални жители загрижени за растечкиот проблем со бездомници во градот започнале со оваа иницијатива преку нивната страница на Фејсбук наречена Топло за зимата (Warm for the Winter).
Организацијата ги замолува луѓето да ја сортираат својате гардероба и да ги донираат дополнителните палта што повеќе не ги користат. Волонтерите ги обесуваат покрај мостот, кој често го поминуваат пешаци бездомници како што се тврди најчесто од октомври до јануари.

Топло за зимата е едноставен гест од едно на друго човечко суштество… Им овозможува на луѓето пристап до топла јакна без некаква стигма“, се вели во објавата на Фејсбук.

Јакните не се само за бездомници, туку и за оние кои не можат да си дозволат нов капут, групата вели:

Постојат луѓе кои живеат во сместувачки капацитети кои едноставно не можат да си дозволат топлина, во субстандардни сместувачки капацитети кои немаат ниту системи за греење.

Патрик Фрајрс, кој ја започна кампањата Warm For Winter, за „Ирски пост“ кажува дека се надева ова движење да продолжи да се проширува и на други локации во светот.

Дури и да е само еден капут, донесете го на кое било место каде што мислите дека ќе го види некој кому можеби итно му е потребно и закачете го, рече тој.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.